Y meini prawf beirniadu ar gyfer enwebiadau unigol

 

Meini prawf beirniadu ar gyfer enwebiadau unigol

Mae’r beirniaid yn awyddus i gael enwebiadau am unigolion ar bob lefel o gyfrifoldeb y mae eu harweinyddiaeth yn ddewr, yn ysbrydoledig ac yn trawsnewid.

Unigolion sy’n:

Dylanwadu ac yn ymgysylltu drwy

  • Ddangos uniondeb a moeseg o safon uchel drwy ddangos cysondeb yn ei ymddygiad
  • Bod yn ddewr a dangos parodrwydd i fentro a herio’r status quo
  • Codi morál staff a gwella’u lles, ymgysylltu’n well â nhw a datrys unrhyw wrthdaro

Ysbrydoli ac ysgogi

  • Eraill i sicrhau canlyniadau annisgwyl a hynod; cyflawni mwy nag yr oeddent yn credu oedd yn bosibl a
  • Sbarduno eraill, drwy hynny, i ddatblygu gweledigaeth ac amcanion cyffredin; ysgogi eraill i weithio gyda’i gilydd a sicrhau’r canlyniadau gorau drwy gydweithredu a drwy weithio mewn partneriaeth

Annog eraill i fod yn greadigol ac i arloesi drwy

  • Weithio gydag eraill i nodi’r hyn y mae angen eu newid, gan ddefnyddio dulliau newydd o dddatrys problemau
  • Gweithio ar y cyd ag eraill i chwilio am syniadau newydd ac atebion newydd i broblemau a chreu amgylchedd sy’n hybu hyn

Trin pawb fel unigolion drwy

  • Feithrin ymddiriedaeth a chysylltiadau dibynadwy yn y sefydliad a’r tu allan iddo; rhoi’r cyfrifoldeb i staff ymdrin â thasgau a phenderfyniadau penodol y cawsant eu hyfforddi i ymgymryd â nhw
  • Roi sylw i anghenion unigolion i gyflawni a thyfu gan sicrhau bod pawb yn cael cyfleoedd i ddatblygu

Effeithio’n fesuradwy ar eraill a

  • Dangos yr effaith a’r cyflawniad hwnnw

 

Meini prawf beirniadu ar gyfer enwebiadau o sefydliadau

Mae’r beirniaid yn chwilio am enwebiadau o sefydliadau (o unrhyw sector yng Nghymru) y mae eu ffocws a’u buddsoddiad ar ddatblygu arweinyddiaeth ei weithwyr a’i wirfoddolwyr (tebyg i Ymddiriedolwyr a Chyfarwyddwyr Anweithredol) yn ysbrydoli ac yn cyfrannu at wella ymgysylltiad gweithwyr.

Rydym yn chwilio am sefydliadau sy’n:

Mabwysiadu strategaeth glir

  • I ddatblygu staff fel rhan o’r broses o ymgysylltu â nhw

Ysbrydoli, ysgogi ac annog

  • Staff, gwirfoddolwyr a rhanddeiliaid i ddatblygu’n arweinwyr gwell o hyd

Helpu eraill i ddysgu arwain drwy

  • Greu amgylchedd diogel a chyfleoedd i ddysgu’n ffurfiol ac yn anffurfiol

Trin pawb fel unigolion drwy

  • Roi sylw i anghenion unigolion i gyflawni a thyfu gan sicrhau bod pawb yn cael cyfleoedd i ddatblygu

Defnyddio dulliau o weithredu sy’n cael effaith fesuradwy ac sy’n dangos:

  • Y modd y mae’r sefydliad wedi elwa o’r gweithgareddau datblygu hyn o ran ymgysylltu, cynhyrchiant, hapusrwydd y staff, recriwtio, a chadw staff ac ati